Class 8 Science Chapter-16 Question Answer
सोंनाय बिदां:
1. हमनानै ला नों मोनसे खोमसि ख’थायाव दङ। नों खथायाव थानाय बेसादफोरखौ नुयो नामा? ख’थानि बायजोनि बेसादफोरखौ नुयो ना? बेखेव।
फिनः- खोमसियाव थानाय बेसादफोरखौ नुनो नामा, जेब्ला मोनसे बेसादनिफ्राय फैनाय सोरांआ जोंनि मेगनाव हाबो अब्लासो जों बेसादफोरखौ नुयो। बेनिखायनो खोमसियाव थानाय बेसादनिफ्राय सोरांनि रिफिनाय गैयिखायनो जों खोमसि ख’थायाव थानाय बेसादफोरखौ नुनो मोना। नाथाय ख’थानि बायजोनि बेसादफोरखौ नुनो मोनो, मानोना बायजोयाव थानाय बेसादफोरनि सोरां रिफिनाया जोंनि मेगनसिम हाबफैयो आरो जों बेसादफोरखौ नुनो मोनो।
2. खान्थियारि आरो गोसारलनाय रिफिनायनि गेजेराव फाराग दिन्थि। गोसारलानाय रिफिनायनि ओंथिआ रिफिनायनि खान्थिखौ फेलें खालामनाय जायो नामा?
फिनः-
गोसारलानाय रिफिनायनि ओंथिआ रिफिनायनि खान्थिखौ फेलें खालामनाय जाया, मानोना
गोसारलानाय रिफिनायआ रिफिनायनि खान्थिफोरखौ मानियो।
3. जेब्ला मोनसे स्रां रोदा जथाइया गाहायनि बबेबा मोनसेयाव गोलैयो अब्ला बिसोरनि रिफिनाया खान्थियारि एबा गोसारलानाय जायो बेखौ मोनफ्रोमनि थाखाय मख’। मोनफ्रोमनि थाखाय फिननायनि जाहोन हो।
(a) हुस्लिमनाय दंफां आरंगा
(b) चक गुन्दै
(c) राखोर लाइनि बिखुं
(d) दै लुदलानाय मार्बलनि मैजा
(e) आयना
(f) लेखा जिख्लाबसे
फिनः-
(a) हुस्लिमनाय दंफां आरंगा : बेयाव खान्थियारि रिफिनाय जायो। मानोना हुस्लिमनाय दंफां आरंगानि बिखुंआ स्लिम ।
(b) चक गुन्दै : बेयाव गोसारलानाय रिफिनाय जायो। मानोना चक गुन्दैनि बिखुंआ स्लिम नङा।
(c) राखोर लाइनि बिखुं : बेयाव गोसारलानाय रिफिनाय जायो। मानोना राखोर लाइनि बिखुंआ स्लिम नङा।
(d) दै लुदलानाय मार्बलनि मैजा: बेयाव खान्थियारि रिफिनाय जायो। मानोना दै लुदलानाय मार्बलनि मैजानि बिखुंआ स्लिम जायो।
(e) आयना : बेयाव खान्थियारि रिफिनाय जायो। मानोना आयनानि बिखुंआ स्लिम।
(f) लेखा जिख्लाबसे : बेयाव गोसारलानाय रिफिनाय जायो। मानोना लेखा जिख्लाबसेनि बिखुंआ स्लिम नङा।
4. रिफिनायनि मोननै नेमखौ मख’।
फिनः- रिफिनायनि मोननै नेमफोरा –
(i) खेंस्ला ख ‘नाया रिफिनाय ख’ नानि समान। आरो
(ii) खेंस्ला रोदा, रिफिनाय रोदा आरो रिफिग्रा बिखुंजों खेंस्लानाय बिन्दोआव बोनाय थोंगोरा एखे थालायाव थायो।
5. खेंस्ला रोदा, रिफिनाय रोदा आरो थोंगोर मोनथामबो मोनसे समान बिखुंआव थायो बेखो मोनसे माव दिन्थिजों फोरमाय।
6. गाहायनि लादां थावनिखौ सुफुं।
(a) सासे मानसिआ समानथाला आयनानि 1 मिटार सिगाङाव थानाया बेनि सायखंनिफ्राय ……………. मिटार गोजानाव थानाय बादि जायो।
फिनः- 2
(b) गंसे समानथाला आयनानि सिंगाङाव नों आगदा आखाइजों ………. खोमाखौ दाङोब्ला आयनायाव नुगोनदि नोंनि आगदा खोमाखौ ……………… आखाइजों दांदों।
फिनः- आगदा, आगसि
(c) जेब्ला नों मोले सोराङाव नायो मेगननि पिउपिलआ ………………….. जायो।
फिनः- गेदेर
(d) हरनि दाउफोरनि मेगनाव र’डफोरनिखुइ क ‘नफोरा…………….. थायो।
फिनः- खम
सोंनाय 7-8 आव थार सायख ‘नायखौ दिन्थि।
7. खेंस्ला ख’नाया रिफिनाय ख’नाजों समान जायो-
(a) जेब्लाबो
(b) एख’नब्ला
(c) जुनिया थाथाइयाव
(d) माब्लाबाबो नडा
फिनः- (a) जेब्लाबो
8. समान बिखुं आयनायाव सोमजिनाय सायख्लुमआ-
(a) थारनङि, आयनानि उनथिं आरो देरसिन
(b) थारनङि, आयनानि उनथिं आरो बेसादनि समान
(c) आयनानि बिखुङाव थार आरो देरसिन
(d) थार, आयनानि उनथिं आरो बेसादनि समान
फिनः- (b) थारनङि, आयनानि उनथिं आरो बेसादनि समान
9. केलिड ‘स्क’पनि दानायखौ फोरमायनानै लिर।
फिनः- केलिड’स्क’प बानायनो थाखाय आयत महरनि गंथाम आयनानि लाउलिं सिथा मोनफ्रोमबो 15 से.मि. गोलाउ आरो 4 से: मिः गुवारफ्राम बुथुमनानै लानाय जाबाय। सावगारिआव दिन्थिनायबादि प्रिजमनि महर मोनहोनो नांजाब होनानै लानाय जाबाय । रोजा (कार्ड बर्ड) नि दुलुर हासुं सिडाव बेखौ फजनानै सिथाबनानै लानाय जाबाय ।
आयनानिखुइ हासुंआ एसेबाबो लाउसिन जानांगौ। बेखौ नोजोर लानाय जाबाय । सावगारियाव दिन्थिनाय बादि गेजेराव मोनसे गब्लं गोनां (कार्डबर्ड)नि थोरसिजों हासुंनि फार्सेखौ होथेबाय, जायनि गेजेरजों जों नायनो हायो ।
थोरसिखौ गोबाव जोरहोनो थाखाय (कार्डबर्ड) नि थोरसि सायाव थुख्रासे गोगो-स्रां प्लाष्टिक सिथाबनानै होनाय जाबाय। गुबुन फारसे खर’आव आयनाजों नांजाबनाय बेंखन महरनि समान थाला कासनि प्लेट मोनसे होथाबनानै होनाय जाबाय। कास प्लेटनि सायाव माखासे फिसा फिसा गाब गोनां कासनि थुख्रा (बायदि गाबनि बायफ्लेनाय आसान) दोननाय जाबाय। बे फार्सेनि हासुंनि खर’खौ मोनसे हानि दुलुर कासनि प्लेटजों होथेनाय जाबाय। गाब गोनां कास थुख्राफोरा सोरगिदिं गिदिंनो थाखाय नांगौसेबां जायगा दोननाय जाबाय।
दानिया केलिड’स्क’पआ थियारि जाबाय। जेब्ला जों गब्लंजों नायहरगोन हासुं सिङाव रोखोम रोखोमनि गाबगोनां खिन्थाइ महर दानाय नुनो मोनगोन। केलिड’स्क’पनि मोनसे रंजाथाव बाथ्राया बेनोदि जों माब्लाबाबो रोखोमसे महर दानाय उनाव फिन नुफिनब्ला गोदान गोदान महरनि साननाय मोननो थाखाय, महरगिरि, फेब्रिकस आरो वाल खाखोरनि महरगिरिफोरा केलिड’स्क’पखौ बाहायो। फुथलाखौ गोसोबोथाव खालामनो, केलिड’स्क’पखौ गाब गोनां लेखाजों फानब्रेनो हायो।
10. मानसिनि मेगननि मोनसे सिनायथि सावगारि बो।
फिनः- मानसिनि मेगननि मोनसे सिनायथि सावगारि :
11. गुरमिटआ मावफारि 7.8 खौ लेजार टर्स बाहायनानै खालामनो नागिरदोंमोन। बेनि फोरोंगिरिआ बिखौ बेबादि खालामनो नाङा बुंदोंमोन। फोरोंगिरिआ मानि थाखाय बेबादि बुंनाय नों बेखेवनो हागोन ना?
12. नोंनि मेगनखौ नों माबोरै जोथोन लानो हागौ बेखेव?
फिनः- जोंनि मेगनखौ नांगौ बादियै जोथोन लानाया गोनांथार। माबाफोर जेंना जायोब्ला थाबै मेगननि रोंगसानिसिम थांनाया गाहाम। सम सम नायजाबाय थानांगौ। गाहायाव होनायबायदियै जों जोंनि मेगनखौ जोथोन लानो हागौ-
1. बोसोन मोनबायब्ला गोरोबनाय ससमा बाहायनांगौ।
2. गोखों स्रां एबा साननि फार्से थोंजों नायनो नाङा।
3. जों मेगनखौ माब्लाबाबो हुफ्लेनो ऩाङा।
4. गोगो दैजों मेगनखौ सम सम सुनांगौ।
5. बाङायद्राय एबा बांद्राय स्रांनि फारसे थोंजों नायनो नाङा।
6. सरासनस्रा नुनाय जानथाइआव जेब्लाबो फरायनांगौ।
13. रिफिनाय रोदाया खेंस्ला रोदानि लोब्बायाव 90° थायोब्ला अब्ला खेंस्ला ख नाया बेसेबां जागोन?
फिनः- खेंस्ला ख’ना= <i रिफिनाय ख’ना=<r
रिफिनायनि नेम बादियै – <i=<r
14. मोननै समान थाला आयनाखौ 40 से: मिः जानथाइयाव लिगै दोनोब्ला बेनि गेजेराव दोननाय ममबाथिनि सायखंआ मोनबेसे जागोन?
फिनः- सानथ्र’ हायि सायखं जागोन।
About this Chapter:
Chapter 16 of Class 8 Science, Light, explains how light helps us see objects around us. This chapter introduces the basic properties of light such as reflection and refraction.
Students learn about laws of reflection, regular and diffused reflection, and multiple reflections. The chapter also explains the formation of images by plane mirrors and introduces the human eye and its parts.
This chapter helps students understand the importance of light in daily life and builds a strong foundation for future studies in optics.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-16 LIGHT Question Answer ?
You can get complete SEBA Class 8 Science Chapter-16 LIGHT on Bodoland Library with easy explanations in Bodo .
2. How does light travel?
Light travels in a straight line.
3. Name the parts of the human eye.
Cornea, iris, pupil, lens, retina and optic nerve.
4. What type of image is formed by a plane mirror?
A plane mirror forms a virtual, erect, and same-sized image.