Class 8 Science Chapter-9 Question Answer
खोन्दो-9
बार आरो दैनि गेब्रेंनाय
सोंनाय बिदां :
1. मा मा गुबुन गुबुन रोखोमै दैआ गेब्रेंनो हागौ?
फिनः- दैआ गुबुन गुबुन गोबां रोखोमै गेब्रेंनो हागौ जेरै-
1. जि-जोम सुनाय, दुगैनाय
2. जाबोर, बिसगोनां रासायनारि मुवा, हाब्रुखि बायदिफोरखौ दैयाव गारनाय
3. दैयाव गोथै सह’ गारनाय
4. दैयाव पलिथिननि म’ना आरो थाव गोनां बेसाद गारनाय
5. एम्फौ फोथैग्रा आरो हाग्रा फोथैग्राफोरनि दैयाव गलायनाय
2. बार गेब्रेंनायखौ खमायनो थाखाय नोङो, गावनिफ्राय मा राहा लानो हागौ?
फिनः- बार गेब्रेंनायखौ खमायनो थाखाय जों गोबां राहा लानो हायो जेरै-
1. बिफां-लाइफां गायनाय।
2. पेट्रल आरो डिजेलनि सोलाय CNG आरो लेड गैयि पेट्रलआरि जनजाग्राफोरखौ बाहायनाय।
3. दाखोर-दाला, बिलाइ आरो प्लासटिक सावनायनिफ्राय गोजानाव थानाय।
4. राइजोआरि रोगाग्रा बाहायनाय।
5. बिफां-लाइफां दानफायनायखौ होबथानाय।
3. साफा, गोगो दैआ लोंनायनि थाखाय जेब्लाबो हामजाथाव। बानबुंथाइ हो।
फिनः- साफा, गोगो दैआ लोंनायनि थाखाय जेब्लाबो हामजाथाव नङा। दैखौ साफा, गोगो नुयोब्लाबो, बेयाव खहा खालामग्रा जिउसाफोर, गलिनाय रासायनारिफोर, एबा बिसगोनां मुवाफोर थानो हागौ जायखौ मेगन गोजायै नुनो मोना। बेफोरो कलेरा, टाइफइड आरो खिनाय बायदि बेरामफोर सोमजिहोनो हागौ। बेनिखायनो, दैखौ लोंनायनि सिगां फुदुंनाय, फिल्टार खालामनाया गाहाम।
4. नोंसोरनि नोगोर आफादनि नोङो सासे सोद्रोमा जानायाव नोंनि नोगोराव थाग्रा सुबुंफोरनो गोगो दै जगायनायनि नोङो हेफाजाब होनो हाथाव सानथांखिफोरनि मोनसे फारिलाइ बानाय।
फिनः- हेफाजाब होनो हाथाव सानथांखिफोरा जादों-
1. दैयाव मैला गारनायखौ होबथानाय।
2. दैखौ जगायनायनि सिगां बेखौ फिल्टार खालामनो थाखाय सुबिदा लानाय।
3. खहागोनां रासायनारि आरो जिउसाफोरखौ संदान्नो थाखाय दैनि गुनखौ सम बादियै आनजाद नायनाय।
4. दै संरैखा खालामनाय आरो बेखौ रैखाथियै बाहायनायनि सोमोन्दै सुबुं सांग्रांथि हाबाफारि लानाय।
5. गुबुंले जानायखौ होबथानो थाखाय राइजोआरि दै नाला आरो दैखरफोरनि खाथि-खालानि जायगाखौ साखोन-सिखोन खालामहोनाय।
6. जाय दारिमिनफोरा दाखोर-दालाफोरखौ दैयाव हगारहरो बिसोरनि हेंथायै गोख्रों राहा लानाय।
5. गोगो बार आरो गेब्रेंनाय बारनि गेजेराव थानाय फारागखौ सावराय-
फिनः-
6. एसिद अखा सोमजिहोनायाव जानाय बिजाउननि सायाव सावराय। एसिड अखाया माबोरै जोंखौ गोहोम खोलैयो?
फिनः- सोरगिदिं थानाय दारिमिनफोरनिफ्राय बार गेब्रें होग्रा सालफार- डाइ-अक्साइड आरो नाइट्रजेन-डाइअक्साइड बायदि बेसादफोरखौ सोमजिहोयो। बे गेसफोरा बारहावायाव थानाय दै खफ’जों फिनजाथाइ जानानै सालफिउरिक एसिद (H2SO4) आरो नाइट्रिक एसिद (HNO3) सोमजिहोयो। बे एसिदफोरा अखाजों लोगोसे गोग्लैबोनानै अखाखौ एसिदआरि खालामो। बेखौ एसिद अखा बुङो।
एसिड अखाया जिब-जुनार आरो आबहावायाव गोबां खहागोनां गोहोम खोख्लैयो। बेयो मेगन, गन्थं, आरो गोदोनाखौ आलौहोनानै सुबुंनि सावस्रिखौ खहा खालामो आरो अस्थमा बायदि हां लानाय जेंनाफोरखौ गाज्रिसिन खालामनो हागौ। बेयो लाइफांनि बिलाइफोरखौ खहा खालामो, हायाव गोनां सावस्रिफोरखौ खम खालामो आरो बिफां-लाइफांफोरखौ लोरबां खालामो। एसिड अखाया दैनि बाहागोफोरखौबो गुबुंले खालामो, दैमाफोर आरो बिलोफोरखौ एसिडगोनां खालामो, जाय ना आरो गुबुन दैआरि जिबफोरखौ बुथारनो हागौ।
7. गाहायनि बबेआ सोमखोरन’ गेस नङा?
(a) कार्बन-डाइ-अक्साइड
(b) सालफार-डाइ-अक्साइड
(c) मिथेन
(d) नाइट्रजेन
फिनः- (d) नाइट्रजेन
8. नोंनि रावजों सोमखोर न’ जाथाइखौ बेखेव।
फिनः- साननि सोरां रोदाया बहुमनि हासा बिखुंखौ दुंखांहोयो। बुहुम बिखुंनि सायाव गोग्लैनाय स्रां बेरस्रांनाय नि बाहागोसेआ बेजों सोबजायो आरो गुबुन बाहागोसेआ लाथिख’मायाव रिफिलांफिनो बे रिफिनाय स्रां बेरस्रां बाहागोसेआ बारमण्डलजों हमथाजायो। बे हमथाजानाय स्रां बेरस्रांनायफोरा फिन भुमखौ दुंब्रुद खालामो। बे हमथाजानाय बिदुंआनो सोमखोर न’खौ दुंब्रुद खालामो। बे बादिनो बुहुमनि बारमण्डलजों स्नां बेरस्रांनायनि हमथाजानायाबो बे एखे रोखोमनि जायो। जायनि थाखाय बेखौ सोमखोर न’ जाथाइ बुङो। बे जाथाइआ गैयामोनब्ला बुहुमआव जिब सोमजिनाया जानाय नङामोन नाथाय बेयो दिनै जिबनि सायाव गिखांनाय लाबोदों। बे जाथाइखौ जाहोनायाव बिबान लानाय गेसफोरनि गेजेराव CO2 गेसआ मोनसे।
एबा
सोमखोर न’ जाथाइआ मोनसे बिखान्थि जेराव बुहुमनि बारमण्डलाव थानाय माखासे गेसफोरा बिदुंखौ हमथानानै लाखियो आरो ग्रहखौ गुदुं लाखियो। जेब्ला साननि सोरांआ बुहुमाव सहैयो अब्ला माखासेया बिखुंजों सोबना लायो आरो आद्रा थानाया बिदुं महरै रिफिजायो। कार्बन डाइ अक्साइड, मिथेन आरो दैनि खफ बायदि गेसफोरा बे बिदुंखौ बारमण्डलाव हमथानानै लाखियो। बेयो जिउआरिनि थाखाय मोजां बिदुंखौ लाखिनायाव मदद खालामो। नाथाय जिब-जुनार खामग्रा मुवा सावनाय आरो हाग्रा दानस्रांनाय बायदि सुबुं माहारिनि मावफारिफोरा बांनायनि जाहोनाव बेफोर गेसफोरनि बिबाङा बांदों, जायनि जाहोनाव बांद्राय बिदुंआ थाबथाना दं आरो बुहुम दुंखावनाय (Global Warming)नि जाहोन जादों।
9. बुहुमनां दुंखांनायनि बागै मोनसे सुंद’ बिबुंथि सुजु। नोंनि थाखोआव बेनि सायाव बिबुंथि हो।
फिनः- मानसिनि मावफारिनि थाखाय CO3नि दिहुनगारनाया बांलांगासिनो दङ । फारसेथिं हाग्रामा ओनसोलफोरा जोबलांगासिनो दङा। बारमण्डलनिफ्राय CO2खौ लाइफांफोरा सोरांबिजिरख’ दानायनि थाखाय बाहायनायनि जाउनाव CO2 नि बिबांखौ बाङाय खालामो। अरन फोजोबस्रांनायआ बाराव CO2 नि बिबांखौ बांहोयो, मानोना CO2 बाहायग्रा बिफां- लाइफांनि अनजिमाया बाङय जालांबाय। बेबादिनो, बारमण्डलाव CO2 नि बिबां बांथुमहोनायाव मानसिनि मावफारिफोराबो बिहोमा दङ । CO2 आ बिखौ हमथाना लाखियो आरो बेयो बिदुंखौ लाथिख’मायाव खारनलांफिनहोआ। जायनि जाउनाव, बुहुमनि बारमण्डलनि गड़ दुंथाइया फारियै बांलांगासिनो दङ। बेखौनो बुहुमनां दुंखांनाय बुङो।
बुहुमनां दुंखांनाया गोमोथावयै लैथो बिखुंखौ जौखांहोयो। बुहुमनि गोबां लैथो सेर ओनसोलफोरा आगोलआवनो लोमसाव जोबबाय। बुहुमनां दुंखांनाया अखाहानाय खिन्थाइ, आबाद, अरन, लाइफां आरो जिउआरिफोरनि सायाव गोबांफानै गोहोम खोख्लैयो। भुमनां दुंखांनायजों हुमखिजानाय ओनसोलफोराव थानाय मानसिफोरनि बांसिनानो एसिया हादरमायाव। बावयैसो बारहावा सोलायनायनि सायाव फोसावथाइ होनाया सोमखोर गेसफोरखौ आथिखालाव सिमा गोनां समनि थाखायल’ दोननायखौ मिथिहोयो। नडाब्ला, बे जाथाइनि जोबनायहालागै दुंथाइनि बांनाया 2 डिग्री सेलसियासनि बारा जानो हागौ, जाय बिबांआ गिलुबालु।
एबा
कार्बन-डाइ-अक्साइड आरो मिथेन बायदि ग्रीनहाउस गेसफोरा बांद्राय जानायनि जाहोनाव बुहुमनि गड़ बिदुंआ लासै-लासै बारायनायानो बुहुमनां दुंखांनाय । बे गेसफोरा गुबैयै बांद्राय गारि-मटर सालायनाय, हाग्रा दानस्रांनाय आरो दारिमिनारि गारजानाय मुवाफोरजों बांबोदों। जायनि जाहोनाव बारमण्डलाव बांसिन बिदुंआ थाबथाना थायो, जायनि थाखाय बे बुहुमाआ गुदुं जायो। बुहुमनां दुंखांनायनि जाहोनाव ग्लेसियार गलिनाय, लैथोनि थाखोआ बांनाय, गोब्राब बोथोर आरो बिफां-लाइफां, जिब-जुनार आरो सुबुंनि जिउखौ खहा खालामनाय बायदि गोब्राब जेंना सोमजिहोयो। जुदि बेनि सायाव नोजोर होआब्ला बेयो जोंनि इयुननि सायाव गोबां गोहोम खोख्लैनो हागौ। जों मोब्लिब गोहोखौ रैखा खालामनानै, राइजोआरि हान्था-मेलाखौ बाहायनानै, गोबां बिफां-लाइफां गायनानै, आरो गोदान खालामफिननाय गोहोनि फुंखाफोराव सोलायनानै बुहुमनां दुंखांनायखौ खमायनायाव मदद खालामनो हायो। साफ्रोमबो सुबुंनि फिसा-फिसौ मावनायफोराबो गोबां फाराग लाबोनो हायो।
10. ताजमहलनि समायनाथिनि सायाव जानाय हुमखिनायनि (threat) बागै सावराय ।
फिनः- ताजमहलनि समायना नुथाया बार गुबुंले जानायनि थाखाय गोब्राबै खैफोदाव गोग्लैदों। आग्रानि खाथि खाला फेक्टरि, मोब्लिब गोहो प्लान्ट, इथा सावग्रा आरो गोबां थांलाय-फैलाया सल्फर डाइ अक्साइड आरो नाइट्रजेन अक्साइड बायदि खहागोनां गेसफोरखौ बाराव हगारहरो। बे गेसफोरा बारमण्डलाव दै खफ’जों गोरोबनानै एसिड अखा सोमजिहोयो, जाय ताजमहलनि मार्बलआव गोग्लैयो। एसिड अखाया गुफुर मार्बलखौ गोमो आरो सोमखे खालामो, लासै-लासै बेनि बिखुंखौ गाज्रि खालामो। बेनि अनगायैबो, गोसोखां खाम्फायाव हाद्रि आरो उखुन्दै ज’ जानानै बेनि समायनाथिखौ आरोबाव खम खालामो। गुबुंले आबहावाखौ दबथायनो हायाब्ला ताजमहलआ समजों लोगोसे गावनि मिथिंगायारि समायना आरो गोहोखौ खोमाना लानो हागौ।
11. दैयाव बांद्राय सुफुंसार मुवा सोमजिनाया माबोरै दैआरि जिबनि थांनानै थानायनि सायाव गाजि गोहोम खोलैयो?
फिनः- दैयाव बांद्राय सुफुंसार मुवा सोमजियोब्ला दैयाव बादामालिआ बांबोयो। जेब्ला बादामालिआ गोख्रै बारायो अब्ला बिसोरो दैनि बिखंआव मोनसे रोजा थोरफो सोमजिहोयो, जायनि थाखाय साननि सोरांखौ दैआरि बिफांफोरसिम सौहैनायनिफ्राय होबथायो। जेब्ला बादामालिआ थैयो बेखौ फेसेवनो बेक्टेरियाआ दैयाव गोबां बिबांनि गलायनाय अक्सिजेन बाहायो। अक्सिजेन थाखोआ खम जानायनि जाहोनाव ना आरो गुबुन दैआरि जिबफोरा थांनानै थानो गोब्राब जायो, जायनि जाहोनाव बेराम एबा थैनो गोनां जायो। बेखायनो बांद्राय सुफुंसार मुवाआ दैआरि आबहावानि समानथिखौ सिफायो आरो दैआरि जिब-जुनारफोरखौ खैफोदाव खोख्लैयो।
About this Chapter:
Chapter 9 of Class 8 Science, Pollution of Air and Water, explains the causes and effects of air pollution and water pollution on living organisms and the environment. This chapter helps students understand how human activities contribute to pollution and how it affects health and nature.
Students learn about various pollutants, their sources, and the harmful effects of polluted air and water. The chapter also explains diseases caused by water pollution and the importance of clean air and safe drinking water.
This chapter highlights methods to reduce pollution, the need for water treatment, and ways individuals can help protect the environment. It encourages students to adopt eco-friendly habits for a cleaner and healthier future.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-9 POLLUTION OF AIR AND WATER Question Answer ?
You can get complete SEBA Class 8 Science Chapter-9 POLLUTION OF AIR AND WATER Answer on Bodoland Library with easy explanations in Bodo .
2. What is pollution?
Pollution is the contamination of air, water, or land by harmful substances that negatively affect living beings and the environment.
3. What is air pollution?
Air pollution occurs when harmful gases, smoke, dust, and chemicals mix with the air and make it unsafe to breathe.
4. What is water pollution?
Water pollution happens when harmful substances like sewage, industrial waste, and chemicals enter water bodies.
5. How does air pollution affect health?
Air pollution can cause breathing problems, asthma, lung diseases, and irritation of eyes and throat.