Class 8 Science Chapter-5 Question Answer
खोन्दो-5
खामनाय आरो अरसालाइ
सोंथि:
1. बबे रादायफोरनि सिङाव खामनाय जायो मोनसे फारिलाइ (List) बानाय।
फिन:- खामनाया गाहायाव होनाय रादायफोरनि सिङाव जायो-
(i) खामग्रा मुवा थाथारनांगौ।
(ii) अक्सिजेन थाथारनांगौ।
(iii) जोंनाय दुंथाइनि गोनां जायो।
2. लांदां थावनि सुफुं-
(a) दंफां आरो खैला खामनाया बारनि …………..जाहोन ।
फिन:- गेब्रेंनायनि
(b) न ‘खरफोराव बाहायनाय मोनसे लाव लाव जनजाग्राया जाबाय ………….. ।
फिन:- LPG
(c) जनजाग्राया खामनायनि सिगां बेखौ बेनि …………….. सिम फुदुंथारनांगौ।
फिन:- जोंनाय बिदुं
(d) थावजों नांनाय एबा खामनाय अरखौ ………….. जों होबथानो एबा खोमोरनो हाया।
फिन:- दै
3. मटर गारिफोराव CNG नि बाहायनाया जोंनि नोगोरमा (Cities) फोरनि गेब्रेंनायखौ माबोरै बाङाइ खालामदों बेखेवनानै हो।
फिन:- मटर गारिफोराव CNG नि बाहायनाया जोंनि नोगोरमाफोराव गेब्रेंनायखौ बाङाइ खालामनायाव मदद होदों ।
मानोना CNG आ जोबोद एसेल’ बिबांनि खहा गोनां मुवाफोर ओंखारहोयो। CNG आ मोनसे साखोन-सिखोन खालामग्रा जनजाग्रा।
Or
मटर गारिफोराव CNG नि बाहायनाया जोंनि नोगोरमाफोराव गेब्रेंनायखौ खमायनायाव मदद खालामदों मानोना CNG आ पेट्रल आरो डिजेलजों रुजुनायाव बांसिन साखोन-सिखोन खामग्रा। बेयो आबुङै खामो आरो जोबोद इसेल’ खहागोनां गेसफोर सोमजिहोयो। CNG जों खारनाय गारिफोरा कार्बन मन’अक्साइड, नाइट्रोजन अक्साइड आरो सल्फर फोरखौ खम बिबांनि हगारो, जाय बार गुबुंले जानाय आरो हां लानायनि जेंनाफोरनि गुबै जाहोन। CNG खहागोनां मुवाफोरखौबो हगारा। बेफोर जाहोनफोरनि थाखायनो नोगोरफोराव बारनि गुनआ जौगादों आरो गुबुंले आबहावानि थाखोआ खमायदों जेराव CNG गारिफोरखौ गुवारै बाहायनाय जायो।
4. LPG आरो दंफांखौ जनजाग्रा महरै रुजु।
फिन:-
5.जाहोनफोर हो-
(a) मोब्लिबआरि मुवाफोर लोबबा थानाय अरखौ होबथानो (खोमोरनो) दैखौ बाहायनाय जाया।
फिन:- मानोना दैया मोब्लिबनि मोजां दैदेनग्रा, जुदि मोब्लिब आरि मुवाफोराव अर खामो, दैया मोब्लिब दैदेननो हागौ आरो जायफोर अर खोमोरनो नाजायो बिखौ खहा खालामनो हागौ।
(b) LPG आ दंफांनिखुइ साबसिन न ‘खरनि जनजाग्रा।
फिन:- LPG खौ दंफांनिख्रुइ साबसिन न’खरारि जनजाग्रा होनना गनायनाय जायो मानोना बेयो आबुङै खामो आरो उखुन्दै एबा खहागोनां गेस एंगाराजासे गोबां बिदुं सोमजिहोयो। LPG आ साखोन-सिखोन, रैखाथि गोनां आरो बाहायनो थाखाय सुबिदासिन आरो बेखौ सिलिन्दारआव गोरलैयै दोनथुमनो हायो ।
(c) लेखा बिलाइया गाव हारसिङै गोरलैयै अर नाङो, गुबुन फारसे गांसे लेखा बिलाइखौ गंसे एलुमिनियामनि फंफ्लायाव फानफ्रबोब्ला गोरलै अर नाङा एबा खामा।
फिन:- लेखा बिलाइआ गाव हारसिङै गोरलैयै अर नाङो मानोना बेयाव खामनायनि बिदुङा खम जायो। नाथाय जेब्ला मोनसे लेखा बिलाइनि थुख्राखौ एलुमिनियम फंफ्लायाव फानफ्रबोब्ला गोरलै अर नाङा एबा खामा मानोना बेनि जोंनाय बिदुंआ बारा जायो।
6. थसे ममबाथिनि अर सालाइनि सावगारि आखिनानै बेनि बाहागोफोरखौ दिन्थि।
फिन:-
7. मोनसे जनजाग्रानि केल ‘रि मानखौ फोरमायनाय सानगुदिनि मुं लिर।
फिन:- मोनसे जनजाग्रानि केल ‘रि मानखौ फोरमायनाय सानगुदिनि मुं आ किल’जुल/ किल ‘ग्राम (KJ/Kg) ।
8. कार्बन-डाइ-अक्साइडआ माबोरै अर खोमोरनो हायो बेखेव।
फिन:- अर खोमोरनायाव कार्बन-डाइ अक्साइडआ (CO2) बयनिखुइ साबसिन अर खोमोरग्रा । कार्बन- डाइ-अक्साइडआ (CO2) अक्सिजेननिखुइ लिरसिन जानायलाय अरखौ गांसे कम्बल बादि खोबो। जनजाग्रा आरो अक्सिजेननि गेजेराव नांजाबलायनाया गैयि जानाय समनि गेजेरावनो अरआ गोमोरो।
9. मोनसे गोथां बिलाइफोरनि दामोलखौ सावनो गोब्राब, नाथाय गोरान बिलाइफोरनि दामोलाज गोरलैयैनो अर नाङो। बेखेव।
फिन:- गोथां बिलाइनि दामोलखौ सावनो गोब्राब जायो मानोना बेयाव गोबां सिदोमा (दै) थायो। सिदोमा मुवाफोराव जोंनाय बिदुंआ बारा जायो। जायनि थाखाय बिलाइफोराव अरा गोरलैयै जोङा। नाथाय गोरान बिलाइफोराव सिदोमा गैयिनि थाखाय बेनि जोंनाय बिदुंआ खम जायो जायनि थाखाय थाबैनो गुदुं जायो आरो गोरलैयैनो अर जोङो। बेखायनो गोथां बिलाइफोरनि दामोलखौ सावनो गोब्राब, नाथाय गोरान बिलाइफोरनि दामोलाज गोरलैयैनो अर नाङो।
10. सासे सना दाग्राया सना आरो रुफा गलिहोनो थाखाय अर सालाइनि बबे थोरफोखौ बाहायो आरो मानो ?
फिन:- सासे सना दाग्राया सना आरो रुफा गलिहोनो थाखाय अर सालाइनि बायजोसिन थोरफोखौ बाहायो । मानोना अर सालाइनि बायजोनि थोरफोआ गुदुंसिन जायो।
11. मोनसे आनजादआव 4.5 किल’ग्रामनि मोनसे जनजाग्राखौ आबुङै सावनाय जादोंमोन। ओंखारनाय दुंनायखौ जखा सुनायाव 180,000 KJ मोननाय जादोंमोन। जनजाग्रानि केल ‘रि मानखौ दिहुन।
फिन:- होनाय दं,
जनजाग्रानि बिबां = 4.5 kg
ओंखारनाय दुंनाय = 180,000 KJ
12. माराम खानाय फारिखान्थिखौ खामनाय बुंनो हायोना? सावराय।
फिन:- माराम खानाय फारिखान्थिखौ खामनाय बुंनो हाया, थेवबो मोन्नैबो अक्सिजेनजों फिनजाथाइ जायो। खामनाया मोनसे गोख्रै फिनजाथाइ जाय बिदुं आरो सोरां सोमजिहोयो, जेराव माराम खानाया मोनसे जोबोद लासै बिखान्थि जाय रोखायै बिदुं एबा सोरां हगारा। खामनायाव मुवाफोरा गोख्रैनो खामो आरो गोबां समावनो अर सोमजिहोयो, नाथाय माराम खामनाय समाव लहाया लासै-लासै सिदोमा आरो अक्सिजेनजों फिनजाथाइ खालामनानै माराम सोमजिहोयो। मानोना माराम खानाया बिदुं एबा अर गैयालासे लासै जायो, बेखौ खामनाय महरै थाखो राननो हाया।
13. अबिदा आरो रमेसआ गंसे बिकारआव दै फुदुंनायनि मोनसे आनजाद खालामदोंमोन। अबिदाया बिकारखौ ममबाथिनि अर सालाइनि गोमो बाहागोनि सलथा खाथियाव लाखिदोंमोन। रमेसआ अर सालाइनि बायजोथारनि बाहागोआव बिकारखौ लाखिदोंमोन। सोरनि दैया खमसिन दुंगोन?
About this Chapter:
Chapter 5 of Class 8 Science, Combustion and Flame, explains the process of burning and how different fuels produce energy. This chapter helps students understand what combustion is and the conditions required for a substance to burn, such as the presence of fuel, oxygen, and heat.
Students learn about different types of combustion, ignition temperature, and inflammable substances. The chapter also explains the structure of a flame and its different zones. It discusses various fuels, their uses, and characteristics of a good fuel.
This chapter also highlights the harmful effects of burning fuels, such as air pollution and global warming, and explains the importance of using fuels carefully and safely.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-5 COMBUSTION AND FLAME Question Answer ?
You can get complete SEBA Class 8 Science Chapter-5 COMBUSTION AND FLAME Question Answer on Bodoland Library with easy explanations in Bodo .
2. What is combustion?
Combustion is a chemical process in which a substance burns in the presence of oxygen and produces heat and light.
3. What are the conditions necessary for combustion?
The three conditions required for combustion are:
- Fuel
- Oxygen (air)
- Heat (ignition temperature)
4. What is ignition temperature?
Ignition temperature is the minimum temperature at which a substance starts burning.