1 .  गाहायनि ब्राथ्राफोखौ फराय आरो फिन हो –

(क) मुनिया मेगन मोसेबहाबनानै इसोरखौ धियान खालामदों। बे समावनो राजाया मुनिनियाव दै बिबाय ।

● मुनिया मेगन मेसेबहाबना मा खालामबाय थादोंमोन ?

 फिन :- मुनिया मेगन मेसेबहाबनानै इसोरखौ धियान खालामबाय थादोंमोन ।

● मुनिनि मुंआ मा ?

फिन :- मुनिनि मुङा शमीक मुनि ।

● दै गांहाबनानै सोर मुनिनियाव दै बिदोंमोन ?

फिन :- परीक्षित राजाया दै गांहाबनानै मुनिनियाव दै बिदोंमोन ।

(ख) राजा थांखांनाय उनाव मुनिनि फिसाज्ला शृंगी मुनिया लोगोफोरनिफ्राय राजाया बिफा शमीक मुनिनि गोदोनायाव जिबौ गोथै गानहोनायखौ खोनानानै सामो नांबाय आरो रागाबो जोंबाय ।

● मा रादाब खोनानानै मुनिनि फिसाज्ला शृंगीया रागा जोंदोंमोन ?

फिन :- बिफा शमिक मुनिनि गोदोनायाव जिबौ गोथै गानहोनाय रादाबखौ खोनानानै मुनिनि फिसाज्ला शृंगीया रागा जोंदोंमोन ।

● राजाया मा इनाय खालामनाय बाथ्रा बुंदोंमोन ?

फिन :- राजा परीक्षितआ इसोरखौ धियान खालामबाय थानाय शमिक मुनिनि गोदोनायाव जिबौ गोथै गानहोनायखौ इनाय खालामदों होननानै बुंदों।

2 . दिनै आंनो साजा होगोन । आंनि गोहोखौबो नाय । बिब्दि होननानै कौशिकी दैमानि गोथार दै लानानै मन्थ्र आवरायबाय आरो परीक्षित राजाखौ स्नि साननि गेजेरावनो तक्षक जिबौआ सौथारथों होननानै साव होबाय ।

(क) बे बाथ्राखौ सोर आरो मानो बुंदोमोन ?

फिन :- बे बाथ्राखौ शृंगी मुनिया बुंदोंमोन । राजा परीक्षितआ शमिक मुनिनियाव दै बिना मोनैयाव  गोदोनायाव जिबौ गोथै आलायना होनायनि थाखाय रागा जोंनानै बे बाथ्राखौ बुंदोंमोन ।

(ख) शृंगीया कौशिकी दैमानि गोथार दै लानानै राजाखौ मा साव होदोंमोन ?

फिन :-  शृंगी मुनिया कौशिकी दैमानि गोथार दै लानानै – परीक्षित राजाखौ स्नि साननि गेजेरावनो तक्षक जिबौआ सौथारथों होननानै साव होदोंमोन ।

3 . ओइ दुथां गथ‘ , नों मा ऐसे इनाय खामानि मावखो ?

(क) शमीक मुनिया शृंगीखौ मानो दुथां गथ‘ होनदों ? मा इनायनि बाथ्रा बुंनाय जादों ?

फिन :- शृंगी मुनिया राजा परिक्षितखौ साव होनायनि थाखाय शमिक मुनिया दुथां गथ‘ होननानै बुंदों । राजाखौ साव होनानै राज्योखौ खैफोदआव खोख्लैनायनि इनाय खालामबायनि बाथ्रा बुंनाय जादों । मानोना राज्योयाव राजा गैयाब्ला सिखाव सिथुम सोमजिगोन । फोरजाफोरा दुखु जारलायाव गोग्लैगोन ।

4. मेंग्लिनाने दै गांनायाव आंनियाव दै बिदोंमोन । बिखौलाय मानोथो साव होनांगौ जाखो ? बे फाबनिफ्राय बारग ‘नायनि  राहा नुयैयाव मुनिया कृष्णखौ आर‘ज गाबनो हमबाय ।

(क) शृंगिया राजाखौ साव होनानै फाब खालामनायनि थाखाय शमीक मुनिया इसोर कृष्णनि खाथियाव मा होननानै आर‘ज गाबदोंमोन ?

फिन :- ‘हे कृष्ण। दाय गैयि नोंनि सिबिसुलाखौ बुजिस ‘हायि गथ‘आ खहा खालामबाय। बिनि

गासै दायखौ नों निमाहा होदो’  होननानै शमीक मुनिया इसोर कृष्णनि खाथियाव आर‘ज गाबदोंमोन ।

5.

(क ) परीक्षित राजाया थैयोब्ला राज्योआव मा मा जेंना सोमजिनो हागौ होननानै शमिक मुनिया किसाज्लाखौ बुंदोमोन ?

फिन :- परीक्षित राजाया थैयोब्ला राज्योआ खैफोदआव गोग्लैगोन। राज्योआव सिखाव सिथुम सोमजिगोन। फोरजाफोरा दुखु-जार्लायाव गोग्लैगोन होननानै शमिक मुनिया किसाज्लाखौ बुंदोमोन ।

6. बेखेव –

( क) बान्दा जानानै निगुमाखौ एसेबां लाजि फोनाङो ? ब्राह्मणफोरा क्षत्रियखौ राजा गायसनदों । बिलाय सोरथो , जोंनि सायाव ऐसेबां बिग्रायखांनाय ? दुथांफोनि दबथायग्रा कृष्णाआ बैकुन्ठआव थांबायखोमालाय । बियो एसेबां इनाय खालामनो हायोना ?

फिन :- गोजौनि राइथाइ सिरिखौ भट्टदेबनि कथा भागबतनि ‘परीक्षितर ब्रह्मशाप‘ मुंनि आयदानिफ्राय राव सोलायना दिखांनाय जादों।

         सानसेखालि परीक्षित राजाआ दै गांना धियान खालामबाय थानाय शमीक मुनिनियाव दै बिदोंमोन। नाथाइ राजाया शमीक मुनिनिफ्राय जेबो फिननाय मोनैयाव रागा जोंदोंमोन आरो खाथियाव मोननाय जिबौ गोथै मासेखौ बोर्लाजों एरखांना लाबोनानै आखाइजों मुनिनि गोदोनायाव आलायना होदोंमोन। बेनि उनाव शमीक मुनिनि  फिसाज्ला शृंगी मुनिया बेफोरनि बाथ्राखौ खोनानानै सोमो नांदोंमोन आरो रागाबो जोंदोंमोन। आफा इसोर दबथायग्रा कृष्णा थासेयावबोदि बेबायदि लाजि फोनांनो हायो होनना सानदोंमोन। बेनि थाखाय राजाखौ साजा होनो कौशिकी दैमानि गोथार दैलानानै मन्थ्र आवरायबाय आरो परीक्षित राजाखौ स्नि साननि गेजेरावनो तक्षक जिबौआ सौथारथों होननानै साव होबाय।

(ख) सादुफोरा मालायनि दुखुआव दुखु लाफानानैबो गावनि दुखुखौ दुखु सानफेरा ।

फिन :- गोजौनि राइथाइ सिरिखौ भट्टदेबनि कथा भागबतनि ‘परीक्षितर ब्रह्मशाप‘ मुंनि आयदानिफ्राय राव सोलायना दिखांनाय जादों।

         सादुफोरा दैर्ज्य गोसोनि जायो, मोनोना बिसोर इसोरखौ गोथौवै सिबिग्रा। इसोर सिबिसुलाफोरा खहा खालामजाब्लाबो उल्थायै खहा खालामफिना। बेबायदिनो सासे राजाया इसोर सिबिसुला शमीक मुनिनि सायाव इनाय मावदोंब्लाबो जेबो सानाखैमोन। मानोना परीक्षित राजाया सासे गेदेर राजा। जोबोर दोहोरोमसुला आरो इसोर सिबियारि। राजा गैयाब्लादि राज्योया खैफोदाव गोग्लैगोन, सिखाव सिथुम सोमजिगोन, फोरजाफोरा दुखु-जार्लायाव गोग्लैगोन। बेनिखायनो मुनिया राजानि सायाव गाज्रि सानानै गावनि गोसोयाव दुखु लायाखैमोन।

7. गाहायाव होनाय सोदोबफोरनि मोनफायै लिरसुंथाइ लिर –

 बैकुन्ठ, श्रीकृष्ण, कौशिकी दैमा, मनथ्र आवरायनाय, तक्षक जिबौ ।

फिन :- बैकुन्ठ : बैकुन्ठ आ हिन्दु धोरोमनि भगवान विष्णुनि गोथार थाग्रा खुलि एबा थाग्रा खुलि मानिनाय जायो। बे जायगाया आबुं गोजोन, गोजोन आरो थैनो रोङैनि नेरसोन, जेराव दुखु आरो थैनाय थाया। भगवान कृष्ण, जाय विष्णुनि अवतार, बिथाङाबो बैकुण्ठआव गावनि इसोरारि महराव थायो।

श्रीकृष्ण : श्रीकृष्णआ हिन्दु धोरोमनि गाहाय मोदाइ(भगवान)फोरनि गेजेराव सासे आरो बिथांखौ भगवान विष्णुनि दाइनथि अबतार मानिनाय जायो। बिथांनि जोनोमा मथुरायाव जादोंमोन आरो बिथाङा गावनि उन्दै समखौ गकुल आरो वृन्दावनआव हगारदोंमोन। कृष्णआ अननाय, गोथारथि आरो गियाननि नेरसोन महरै सिबिजायो।

कौशिकी दैमा : कौशिकी दैमानि दैया गोथारमोन। बेनिखायनो शृंगी मुनिया बे दैमानि दैखौ लानानै परीक्षित राजाखौ मन्थ्र आवरायनानै स्नि साननि गेजेरावनो तक्षक जिबौआ सौथारथों होननानै साव होदोंमोन।

मनथ्र आवरायनाय : गावनि एबा गुबुननि गाज्रि एबा मोजां हास्थायनानै रायसननायखौनो मनथ्र आवरायनाय होनना बुजियो। सादु मुनिफोरा मनथ्र आवराययो। बेबायदिनो राजाखौ शृंगी मुनिया बिफानि सायाव खालामनाय इनायनि खिथेर लानो कौशिकी दैमानि गोथार दै लानानै मन्थ्र आवरायदोंमोन आरो राजाखौ स्नि साननि गेजेरावनो तक्षक जिबौआ सौथारथों होननानै साव होदोंमोन।

तक्षक जिबौ : तक्षक जिबौआ गिलु बालु बिस गोनां जाथोसे रोखोमनि जिबौ। बेयो हिन्दु आरो बौद्ध पुराणफोराव मख’जानाय रोखोमसे मुंदांखा जिबौ राजा।  तक्षक जिबौखौ महाभारत आरो गुबुन बिजाबफोरावबो मुंख‘नाय जादों, जर‘खायै राजा परीक्षितनि सल‘आव शृंगी मुनिया दैमानि गोथार दै लाना मन्थ्र आवरायनानै परीक्षित राजाखौ स्नि साननि गेजेरावनो तक्षक जिबौआ सौथारथों होननानै साव होदोंमोन।

ख – राव फरायसंनाय ( बाहायारि रावखान्थि )

8. गाहायाव होनाय सोदोबफोरनि उल्था ओंथि फोरमायग्रा सोदोबफोरा फरायाव दङ ‘ ।

फिन :-

फारजा -राजा

गाहाइ -गेदेर

गोजोन – खैफोद

सुखु- दुखु

बाखनायनाय – निन्दा होनाय

मुनाफा / बानजाय -खहा

नियाइ – इनाय

हास‘यि – बुजिस ‘हायि

9. गाहायाव होनाय सोदोबफोरनि ओंथि लिरनानै फारागथि फोरमायनो हानायबादि बाथ्रा दा –